Mitt’em usbrechende verherrende Chrieg i dr Ukraine isch au d’Schwiiz i dr Verantwortig gsi, Schutzsuchendi ufz’neh u Sicherheit z’gewährleiste. Vor allem i de erste Wuche und Monet vo dere Flüchtligsbewegig si tauzendi Lüt i d’Erschtufnahmestell i dr Allmend i Bärn cho.

Uf Afrog vo dr Gsundheitsdirektion Bärn händ mir mit eusrem ärztliche Netzwerk i chürzester Zit e medizinischi Grundversorgig ufboue chönne. Neben ere internistische und basischirurgische Sprechstund hend mir vereifacht Frageböge und Triagekonzepte entwicklet, um potenzielli Infektschrankhete wie Tuberkulose iiz’dämme.

I enger Zsammearbet mit dr Heilsarmee Bärn und de Gsundheitsbehörde vom Kanton Bärn händ mir so d’Begii vo dere Migrationswelle vo Schutzsuchendi ärztlich begleitet und d’Gsundheit vo de Lüt sicherstellt. Spöter isch d’ärztlichi Betreuig vo Medbase übernoh worde und fortgsetzt worde